टोकियो ओलम्पिकमा सहभागिताका लागि जापानमा रहेकी नेपाली सुटिङ खेलाडी कल्पना परियारले राष्ट्रिय कीर्तिमान कायम गरेकी छिन्। यद्धपि‚ उनी फाइनल प्रतिस्पर्धाका लागि भने छनोट हुन सकिनन्।
टोकियो ओलम्पिक २०२० अन्तर्गत महिला १० मिटर एयर राइफल इभेन्टमा शनिबार भएको खेलमा कल्पनाले छनोट चरणमा ६१६।८ स्कोर बनाउँदै राष्ट्रिय कीर्तिमान सुधार गरेकी हुन्।
यसअघि १३औं दक्षिण एसियाली खेलकुदमा कल्पनाले ६१४।५ स्कोर बनाउँदै राष्ट्रिय कीर्तिमान कायम गरेकी थिइन्। कल्पनाले ६१६।८ स्कोर गरे पनि अन्तिम चरणमा भने स्थान बनाउन असफल भइन्।
छनोटबाट शीर्ष आठ खेलाडीले मात्र फाइनल खेल्नेछन्। उनी ५० खेलाडीमा ४६औं स्थानमा रहिन्।