काठमाडौं –  पछिल्लो २४ घण्टामा थप २ हजार ४७४ जनामा कोरोना संक्रमण पुष्टि भएको छ ।

१२ हजार २३२ जनाको कोरोना परीक्षण गर्दा पीसीआर विधिबाट १५७७ र एन्टिजेन विधिबाट ८९७ जनामा संक्रमण पुष्टि भएको हो ।

यस्तै थप २ हजार ५१८ जनाले कोरोना संक्रमणमुक्त भएका छन । यो संगै नेपालमा संक्रमणमुक्त हुनेको संख्या ७ लाख ७० हजार ९५८ पुगेको छ ।अहिले नेपालमा सक्रिय संक्रमितको संख्या ४९ हजार ५५५ रहेको छ ।
यस्तै २४ घण्टामा थप २४ जनाले ज्यान गुमाएका छन् । यो संगै नेपालमा कोरोना बाट मृत्यु हुनेको संख्या ८ हजार ९१८ छ ।

हाल ४६ हजार ५०२ जना होम आइसोलेसनमा,३ हजार ५३ जना संस्थागत आइसोलेसनमा,७३६ जना आईसीयूमा र २०७ जना भेन्टिलेटरमा रहेका छन् ।