सुर्खेत – सुर्खेतको वीरेन्द्रनगरबाट लागुऔषध (ब्राउनसुगर) सहित एकजना पक्राउ परेका छन् ।

आज दिउँसो ४ बजेको समयमा जिल्ला प्रहरी कार्यालयबाट खटिएको प्रहरी टोलीले वीरेन्द्रनगर- ५, चिसापानी बिहानी टोलबाट २० बर्षिय अर्जुन सुनारलाई पक्राउ गरेको प्रहरीले जनाएको छ ।

सडकमा शंकास्पद तरिकाले हिंडिरहेको अवस्थामा शरीरमा खानतलासी गर्दा उनले बाँयाहातको मुठ्ठी भित्र २ पुडिया लुकाएर राखेको अवस्थामा ११० मिलि ग्राम लागुऔषध (ब्राउनसुगर) सहित पक्राउ गरिएको थियो ।प्रकाउ परेका अर्जुन सुनार माथी थप अनुसन्धान भइरहेको प्रहरीले जनाएको छ ।