सल्यान – सल्यानका थप ६ जना कोरोनो संक्रमित निको भएर घर फर्किएका छन् । जिल्लाको सदरमुकाम खलंगा स्थित लुहापिङ आइसोलेसनमा उपचाररत ६ जना कोरोना संक्रमितको पछिल्लो पटकको पिसिआर रिपोर्ट नेगेटिभ आएपछि उनीहरुलाई घर पठाइएको स्वास्थ्य सेवा कार्यालय सल्यानले जनाएको छ ।

जसमा कुमाख गाउपालिकाका २ जना महिला सहित ५ जना डिस्चार्ज भएका छन् । यस्तै शारदा नगरपालिकाका १ जना पुरुष डिस्चार्ज भएको कोरोना फोकल प्रसन रिखाराम पुनले जानकारी दिनुभयो । उनीहरुको पछिल्लो पटक जाँच गरिएको स्वावको पिसिआर रिपोर्ट नेगेटिभ आएपछि घर पठाइएको उहाँको भनाई छ ।

यससँगै सल्यानमा कोरोनालाई जितेर घर फर्किनेको संख्या २ सय २४ पुगेको छ । जिल्लामा अहिले सम्म २ सय ४३ जनामा कोरोना संक्रमण देखिएको छ ।