पछिल्लो २४ घण्टामा आठ हजार ६ सय सात जनामा कोरोना सङ्क्रमण पुष्टि भएको छ ।

२२ हजार तीन सय ५३ नमुनाको पीसीआर परीक्षण गर्दा आठ हजार चार सय सात जना र आठ सय ७३ जनाको एन्टिजेन परीक्षण गर्दा दुई सय गरी आठ हजार ६ सय सात जनामा सङ्क्रमण पुष्टि भएको हो ।

योसँगै नेपालमा कोरोना सङ्क्रमितको सङ्ख्या चार लाख ९७ हजार ५२ पुगेको छ ।
यस्तै २४ घण्टामा एक सय ७७ जना कोरोना भाइरसको सङ्क्रमणबाट ज्यान गएको छ । यौ संगै ज्यान गुमाउनेको सङ्ख्या ६ हजार २४ पुगेको स्वास्थ्य तथा जनसङ्ख्या मन्त्रालयले जनाएको छ ।

यस्तै पछिल्लो २४ घण्टामा सात हजार आठ सय ९० जना सङ्क्रमणमुक्त भएका छन । यो संगै नेपालमा सङ्क्रमणमुक्त हुनेको सङ्ख्या तीन लाख ७४ हजार आठ सय ३६ पुगेको छ । अहिले नेपालमा सक्रिय सङ्क्रमितको संख्या भने एक लाख १६ हजार एक सय ९२ जना रहेका छन् ।