माध्यमिक शिक्षा परीक्षा एसईई र कक्षा १२ को परीक्षा स्थगित भएको छ । सोमबार बसेको राष्ट्रिय परीक्षा बोर्डको भर्चुअल बैठकले परीक्षा स्थगित गर्ने निर्णय गरेको बोर्डका अध्यक्ष चन्द्रमणि पौडेलले बताउनुभएको छ ।
बोर्डले यसअघि नै एसईईको परिक्षा जेठ १३ गते र कक्षा १२ को जेठ २६ गतेबाट परीक्षा लिने तालिका सार्वजनिक गरेको थियो ।
अबको १५ दिनभित्र बोर्डका सदस्यहरुले परीक्षा मोडल तयार गरेर बोर्डलाई बुझाउनुपर्ने र त्यही अनुसार परीक्षा मोडल सार्वजनिक गर्ने बोर्डका अध्यक्ष पौडेलले जानकारी दिनुभयो । यसपटक एसईई दिने विद्यार्थी पाँच लाखभन्दा बढी छन्।