बुटवल – रुपन्देही र बाँकेमा गरी थप ७ जनाको मृत्यु भएको छ । पछिल्लो १२ घण्टामा कोभिड- १९ का रुपन्देहीका २ जना र बाँकेका ५ जना गरी ७ जनाको उपचारको क्रममा मृत्यु भएको हो ।
बाँकेमा मृत्यु भएका ५ जना मध्य १ जना बर्दिया र ४ जना नेपालगन्ज उपमहानगरका छन् । मृत्यु हुनेमा नेपालगन्ज १२ का ६७ वर्षीय पुरुष, बर्दिया बढैयाताल ७ का ५२ वर्षीय पुरुष, नेपालगन्ज १ का ६४ वर्षीय पुरुष, र नेपालगन्ज १० की ३८ वर्षीया महिला रहेको जिल्ला स्वास्थ्य कार्यालय बाँकेले जनाएको छ ।
यता, रुपन्देहीमा पनि पछिल्लो १२ घण्टामा दुई जनाको मृत्यु भएको छ । कोरोना विशेष अस्पताल धांगो कारखानामा उपचाररत २ जनाको मृत्यु भएको छ । बुटवल उपमहानगरकाका २ जना कोरोना संक्रमितको उपचारकै क्रममा मृत्यु भएको लुम्बिनी प्रादेशिक अस्पतालले जनाएको छ ।
बुटवल १ का ४८ वर्षीय पुरुष, र बुटवल ११ कालिकानगरकी ३० वर्षीया महिलाकाको मृत्यु भएको छ । जिल्ला-जिल्लामा मृत्युको संख्या बढ्न थालेसँगै सावधानी अपनाउन चिकित्सकहरुले सुझाव दिएका छन् ।