काठमाडौं – पछिल्लो २४ घण्टामा नेपालमा थप ८ हजार ६५९ जनालाइ कोरोना संक्रमण देखिएको छ।
२० हजार ७ सय ५७ जनाको पीसीआर परीक्षण गर्दा ८ हजार ६ सय ५ र ६ सय १६ जनाको एन्टिजेन परीक्षण गर्दा ५४ जना गरी ८ हजार ६५ जनामा कोरोना संक्रमण देखिएकाे स्वास्थ्य तथा जनसंख्या मन्त्रालयले जनाएको छ।
यस्तै पछिल्लो २४ घण्टामा ५८ जना कोरोना संक्रमितको मृत्यु भएको छ ।
मन्त्रालयका अनुसार पछिल्लो २४ घण्टामा १ हजार ९ सय ९३ जना संक्रमणमुक्त भएका छन्।
हाल सक्रिय संक्रमितको संख्या भने ६६ हजार ३ सय ५२ रहेको छ। ४ हजार ७ सय ६४ जना संस्थागत आइसोलेसनमा र ६१ हजार ५ सय ८८ जना होम आइसोलेसनमा रहको मन्त्रालयका प्रवक्ता डाक्टर जागेश्वर गौतमले जानकारी दिनुभयो ।