काठमाडौं – प्रधानमन्त्री केपी शर्मा ओलीले पार्टीका नेताहरुसहित नेपाली कांग्रेसका सभापति शेरबहादुर देउवाको निवास पुगेर विश्वासको मत माग्नुभएको छ ।
प्रधानमन्त्री ओलीसँगै उपप्रधानमन्त्री एवं एमाले महासचिव ईश्वर पोखरेल, एमाले संसदीय दलका उपनेता सुवास नेम्वाङ, गृहमन्त्री रामबहादुर थापा बादल र अर्थमन्त्री विष्णु पौडेल देउवा निवास बुढानीलकण्ठ पुग्नुभएको थियो । तर कांग्रेसले विश्वासको मत दिन नसक्ने बताएको छ ।
यस्तै कांग्रेसको तर्फबाट सभापति देउवाका संगै वरिष्ठ नेता रामचन्द्र पौडेल, उपसभापति विमलेन्द्र निधि, महामन्त्रीद्धय डा। शशांक कोइराला, पुर्णबहादुर खड्का र सहमहामन्त्री प्रकाशशरण महत सहभागी हुनुभएको थियो ।