काठमाडौं – देशभर थप २ हजार ३ सय ५१ जना कोरोना संक्रमित थपिएका छन् । पछिल्लो २४ घण्टामा एकैपटक थप दुई हजार ३ सय ५१ कोरोना संक्रमित थपिएको स्वास्थ्य तथा जनसंख्या मन्त्रालयले जनाएको हो ।

८ हजार ८ सय ४४ नमुना परीक्षण गर्दा २ हजार ३ सय ५१ केरोना पुष्टि भएको हो । बुधबार काठमाडौँ उपत्यकामा मात्रै एक हजार ५१ जना नयाँ संक्रमित थपिएका छन् । जसमध्ये काठमाडौँमा ७८६, ललितपुरमा १८१ र भक्तपुरमा ८४ जना गरी १ हजार ५१ जना थपिएका हुन् ।

यस्तै, पछिल्लो २४ घण्टामा थप २ सय ८९ जना संक्रमणमुक्त भएका छन् । देशभर सक्रिय संक्रमितको संख्या १० हजार ५८२ पुगेको छ । क्वारेनटीनमा ८६ जना छन् । हाल आइसीयूमा १८० र भेन्टीलेटरमा ४७ जना उपचाररत छन् ।