सुर्खेत- सुर्खेतको बिरेन्द्रनगर नगरपालिका -१ बाट दुइजना बालक बेपत्ता भएका छन्।

त्रिपुरेस्वर माबी ढोडेखाली सुर्खेत मा अध्यानरत रेडियो नेपाल बस्तीबाट कक्षा ८ पास गरी ९ कक्षामा भर्ना हुन लागेका हस्त बहादुर बोगटी र कक्षा -५ मा अध्यानरत निकेस कार्की शनिबारदेखि अचानक बेपत्ता भएका हुन्। टिसर्ट र निलो जिन्स पाइन्ट लगाएका हस्त १६ वर्षका छन् भने निकेस ११ वर्ष का छन। अहिले उनको घरमा रुवाबासी चलेको छ।

हस्त शनिबार बिहान खेल्न भनी घरबाट निस्केको उनका भाइ राजकुमार बोगटी ले जनाएका छन्। हस्त हराएपछि छिमेकी र गाउँले मिलेर खोजी सुरु गरेका थिए। बालक नभेटिएपछि अभिभावकले हस्त हराएको जानकारी इलाका प्रहरी कार्यालय बाङ्गेसिमललाइ जानकारी गराएका थिए। तर, अहिलेसम्म उनी फेला नपरेको परिवारले बताएका छन्।

खुल्ला सीमाका कारण भारत जान सक्ने भन्दै सीमावर्ती बजारहरूमा खोजी गरिए पनि अहिलेसम्म फेला पार्न नसकिएको उनका आफन्तले जनाएका छन्। घरमा छोरा हराएको पीडाले आमा बेहोस भएकी छिन्।

हस्तका बुबा ले चारैतिर खोजी भैरहेको तर मिडियामा आफुहरुले जानकारी नगराएको बताए । हस्त र निकेस को खोजी गरिदिन उनको परिवारले प्रहरीमा निवेदन दिइसकेको छ।

कसैले भेटे वा फेला परेमा नजिकको प्रहरी कार्यालय तथा मोबाइल नम्बर 9848163075 र 9858790214 मा फोन गर्न परिवारले अपील गरेको छ