काठमाडौँ – गायक तथा संगीतकार हरि लम्सालको स्वर रहेको सन्देश मुलक गीत ‘ज्यानै फाल्नु पहिले’ म्युजिक भिडियो सहित सार्वजनिक भएको छ । अकालमै ज्यान फाल्ने वा फाल्न चाहने प्रति समर्पित गर्दै लम्सालले यो गीत बनाएका हुन् ।
गीतले आत्महत्या गर्नु अघि तेस्ले आफ्ना नजिककाहरुमा ल्याउने परिणाम सोच्न आग्रह गरेको छ ।
गीतमा शब्द, संगीत बसन्त लम्सालको रहेको छ, भने किरण कडेलले यसमा संगीत संयोजन गरेका छन् ।
गीतको भिडियोमा अभिनेता राजेश हमाल, रीमा बिश्वकर्माको साथमा बालकलाकार श्रीवानी थापाको अभिनय देख्न सकिन्छ ।
बुद्ध थापाको छायाँकन, विकाश धमलाको सम्पादन रहेको भिडियो निकेश खड्काले निर्देशन गरेका हुन् ।