काठमाडौं – सुनको भाउमा सामान्य कमी आएको छ । गएको शुक्रबारको तुलनामा आज आइतबार सुनको भाउ तोलामा ३०० रुपैयाँले कमी आएको हो ।

नेपाल सुनचाँदी व्यवसायी महासंघले आजका लागि छापावाल सुनको भाउ तोलाको ९२ हजार ६०० रुपैयाँ कायम गरेको छ । शुक्रबार तोलाको ९२ हजार ९०० मा कारोबार भएको थियो ।

यस्तै, तेजाबी सुनको भाउ पनि घटेर तोलाको ९२ हजार १०० कायम भएको छ । गएको शुक्रबार तोलाको ९२ हजार ४०० मा कारोबार भएको थियो ।

चाँदीको भाउ भने तोलाको १२ सय ६० रुपैयाँमा स्थिर छ ।