एजेन्सी । स्पेनिल ला लिगा क्लब सेभियाले च्याम्पियन्स लिग फुटबलमा साँघुरो जित निकालेको छ । घरेलु मैदानमा बुधबार राति भएको खेलमा सेभियाले रेनेसमाथि १-० को साँघुरो जित निकालेको हो ।

सेभियाको जितका लागि खेलको एक मात्र निर्णायक गोल लुक डी जोङले गरेका थिए । उनले पहिलो हाफ गोलरहित बराबरीमा सकिएको खेलको दोस्रो हाफमा गोल गर्दै घरेलु टोलीलाई साँघुरो जित दिलाएका थिए ।

डी जोङले खेलको ५५औं मिनेटमा गोल गरेका थिए । उनले अकुनाको पासमा गोल गर्दै सेभियालाई जित दिलाएका हुन् । समूह ईमा रहेको सभियाको यो समूहको पहिलो जित हो । यसअघि चेल्सीसँग समूहको पहिलो खेलमा गोलरहित बराबरी खेलेको थियो ।

सेभिया दुई खेलबाट चार अंक जोड्दै समूहको दोस्रो स्थानमा छ । समन नतिजा निकालेको चेल्सी शीर्ष स्थानमा छ । पराजित रेनेस भने एक अंक जोड्दै समूहको पुछारमा छ ।