टिकटकमा भिडियो भाइरल बनेपछि अमेरिकाका विद्यालय बन्द

न्युयोर्कः टिकटकमा गोलीबारी र बम विस्फोट हुने धम्कीपछि अमेरिकाका केही विद्यालय बन्द गर्न सूचना जारी गरिएको छ। अमेरिकाका विभिन्न राज्यमा अवस्थित विद्यालयमा गोलीबारी र बम विस्फोट हुने भन्दै टिकटक पोष्ट भाइरल बनेपछि शुक्रबारका लागि विद्यालय बन्द गर्न सूचना जारी गरिएको हो।

टिकटकमा भाइरल बनेको सो पोष्टपछि एरिजोना, कनेक्टिकट, इलिइओनोइस, मोन्टाना, न्युयोर्क र पेन्निसिल्भानियाका विभिन्न विद्यालय र क्याम्पसमा बाक्लो रुपमा सुरक्षाकर्मी तैनाथ गरिएको र अनुसन्धान जारी राखिएको अन्र्तराष्ट्रिय मिडियामा खबर छ।

अज्ञात व्यक्तिले सो धम्कीसहितको पोष्ट एरिजोना राज्यबाट टिकटकमा अपलोड गरेको बताइएको छ। यद्यपि, सो धम्कीलाई टिकटकमा गरिएको चुनौतिको रुपमा लिइएको बताइएको छ। टिकटकले सो पोष्टबारे अनुसन्धान जारी राखेको बताएको छ।

Leave a Reply

Your email address will not be published. Required fields are marked *