म्याग्दीको सदरमुकाम बेनीबाट रघुगंगा गाउँपालिका–१ बेग गाउँ जाँदै गरेको निलगिरी यातायात प्रालिको ग १ ज ७२५१ नम्बरको जीप दुर्घटना भएको छ।
दुर्घटना हुँदा अन्दाजी ६२ वर्षीया काखिमनाथ शर्मा, खिम पुन र गौमाया विकको घटनास्थलमै मृत्यु भएको प्रहरीले जनाएको छ ।

प्रहरी नायब उपरीक्षक श्याम राईका अनुसार घटनामा गाडीधनी समेत रहेका चालक दूतबहादुर पुन, मनोज पुन, भीम फगामी, बलबहादुर विक र नाम नखुलेका एक यात्रु घाइते छन् ।

घाइतेहरुको सदरमुकामस्थित बेनी अस्पतालमा उपचार भइरहेको छ । बेनी अस्पतालका अनुसार घाइतेहरुलाई थप उपचारका लागि पोखरा रिफर गर्न लागिएको छ ।

स्थानीय मिलन पुनका अनुसार उकालो सडकको साँघुरो घुम्तीमा जीपले टर्निङ लिन नसक्दा सडकदेखि झन्डै ५० मिटर तल जंगल भएको खोल्सामा खसेको थियो ।