समस्या नसुल्झिए फेरि पनि तार काट्न बाध्य हुने : नेपाल विद्युत प्राधिकरण

काठमाडौं – नेपाल विद्युत प्राधिकरणले केही समय इन्टरनेट अप्टिकल फाइबर र केबल टेलिभिजनहरुको तार नकाट्ने भएको छ।

इन्टरनेट सेवा प्रदायकले सेवाशुल्क नतिरेकोभन्दै प्राधिकरणले देशका विभिन्न स्थानमा तार काटिदिएको थियो। ‘इन्टरनेट सेवा प्रदायक र केबल टेलिभिजन व्यवसायीहरुले धेरै रकम तिरेका छैनन्। यो समस्यामा दूरसञ्चार प्राधिकरणले पनि सहजीकरण गर्ने भनेको छ। केही समय अब हामी तार काट्दैनौँ। छलफल गरेर अघि बढ्छौँ,’ प्राधिकरणका उप कार्यकारी निर्देशक मनोज सिलवालले बताएका छन।

तर समस्या नसुल्झिए फेरि पनि तार काट्न बाध्य हुने सिलवालले बताएका छन।
। प्राधिकरण र इन्टरनेट सेवा प्रदायक कम्पनीबीच २०७५ भदौपछि दुई वर्षको पोल भाडादरबारे विवाद चुलिएको छ।

तर प्राधिरणले एकतर्फी रुपमा साविकको तुलनामा कयौं गुणा भाडादर बढाएको व्यवसायीहरुले बताउँदै आएका छन्।
सेवाप्रदायकहरुले दुई वर्षसम्म भाडा नतिरेपछि प्राधिकरणले पटक–पटक सूचना जारी गर्दा पनि उनीहरुले बेवास्ता गरेको उपकार्यकारी निर्देशक सिलवाल बताउँछन्।

‘हालको व्यवस्थाअनुसार अप्टिकल फाइबर केबल जडान गर्दा महानगरपालिका तथा उपमाहानगरपालिकामा २४ कोरसम्मको प्रतिकिलोमिटर प्रति वर्ष नौ हजार रुपैयाँ तोकिएको छ। ग्रामीण क्षेत्र ९नगरपालिका तथा गाउँपालिकामा० प्रतिवर्ष ७ हजार रुपैयाँ तोकिएको छ।

त्यस्तै २५ देखि ४८ कोरसम्म महानगरपालिकारउपमहानगरपालिकामा १५ हजार तोकिएको छ। नगरपालिका तथा गाउँपालिकामा ७ हजार रुपैयाँ प्रतिकिमी प्रतिवर्ष भाडा तोकिएको छ।

४९ कोरभन्दा माथि महानगरपालिका÷उपमहानगरपालिकामा प्रतिवर्ष प्रतिकिलोमिटर १९ हजार रुपैयाँ तोकिएको छ। नगरपालिका÷गाउँपालिकामा ७ हजार रुपैयाँ प्रतिवर्ष÷प्रतिकिलोमिटर भाडा कायम गरिएको छ।

यसअघि विद्युत प्राधिकरणलाई छलफलका लागि पटक पटक बोलाइए पनि प्राधिकरणले अटेर गरेको उनले बताए।

Leave a Reply

Your email address will not be published. Required fields are marked *