काठमाडौं – सभामुख अग्निप्रसाद सापकोटाले अफगानिस्तानमा रहेका नेपालीलाई सकुशल उद्धार गर्न सरकारलाई निर्देशन दिएका छन्।

सोमबार बसेको प्रतिनिधिसभा बैठकमा सभामुख सापकोटाले अफगानिस्तानमा रहेका नेपालीलाई सुरक्षित रहने व्यवस्था गर्न, सकुशल उद्धार गर्न र उनीहरुको यथार्थ जानकारी गराउन सरकारलाई निर्देशन दिएका हुन्।

सभामुख सापकोटाले विकसित घटनाक्रमका विषयमा प्रतिनिधि सभा र आफ्नो ध्यानाकर्षण भएको समेत बताएका छन्।