सुर्खेत – दैलेख सडकको कपासे–छेडा खण्डको बासपानी मोडमा भे १ क ९१३ नम्बरको मिनि ट्रकले मोटरसाईकलले ठक्कर दिदा पत्रकार खिमप्रसाद पोखरेलको मृत्यु भएको छ ।

वीरेन्द्रनगरतर्फ आउँदै गरेको पोखरेल सवार लु ६६ प २८२३ नम्बरको मोटरसाईकललाई दैलेखतर्फ जाँदै गरेको भे १ क ९१३ नम्बरको ट्रकले ठक्कर दिएको हो ।

दुर्घटनाको कारण नखुलेपनि गुराँस गाउँपालिका–१ का २८ वर्षीय ट्रक चालक वीरेन्द्र रावललाई प्रहरीले नियन्त्रणमा लिएको छ । वीरेन्द्रनगर–११ गाग्रेताल निवासी ३५ वर्षीय पोखरेल राष्ट्रिय सञ्चार अनलाइनमा काम गर्दै आईरहनुभएको थियो ।