सल्यान – घाँस काट्ने क्रममा सल्यानमा लडेर एक महिलाको मृत्यू भएको छ । जिल्लाको बन्गाड कुपिण्डे नगरपालिका वडा नम्बर ९ गिठाचौर निवासी २० बर्षिया ललिता बोहराको मृत्यू भएको हो । बुधबार दिँउसो बाख्रा चराउन जङ्गलमा गएको बेला घाँस काट्ने क्रममा रुखबाट लडेर उनको मृत्यु भएको जिल्ला प्रहरी कार्यालय सल्यानले जानकारी  दिएकाे छ।
बाख्रा चराउन जंगल गएको बेला घाँस काट्दै गर्दा घर नजिकैको गोठेभार जङ्गलबाट करिव २ सय ५० मिटर तल लडेर उनको मृत्यू भएको प्रहरी प्रमुख ढकेन्द्र खतिवडाले जानकारी दिए।