सुर्खेत  – सुर्खेतको वीरेन्द्रनगरस्थित करेखोला नजिक ज्ञानेन्द्र शाहीको समूहमाथि  हातपात भएको छ।

शुक्रबार राति झण्डै साढे ११ बजेतिर आक्रमण भएको जिल्ला प्रहरी कार्यालयले सुर्खेतले बताएको छ।

यो सँगै शाहीमाथि सुर्खेतमा तीन पटक आक्रमण भएको हाे ।

घटनास्थलमा प्रहरी टोली पुगेर उद्धार गरेको जिल्ला प्रहरी कार्यालय सुर्खेतका डिएसपी रामप्रसाद घर्ती मगरले जानकारी दिनुभएको छ ।
आक्रमणमा संलग्न पाँच जनालाई प्रहरीले नियन्त्रणमा लिएको डिएसपी घर्ती मगरले बताउनुभएको छ।
घर्तीका अनुसार पक्राउ पर्नेमा वीरेन्द्रनगरका १३ का सुजन सारु, ललित गाहा, टंक सलामी, घनश्याम सलामी र नवराज गिरी नियन्त्रणमा रहेका छन् ।

घाइतेहरूको उपचार हाल कर्णाली प्रदेश अस्पतालमा भएको छ।

घर्तीले घटनामा कुनैपनी दल संलग्न नभएको बताउँदै मापसेका कारण नै घटना भएको प्रारम्भिक अनुसन्धानमा खुलेको बताउनुभयो । प्रहरीले घटनाको बारेमा थप अनुसन्धान गरिरहेको घर्तीको भनाई छ ।

स्थानीयका अनुसार दुवै पक्षबीच मधिरा सेवनपछि झगडा भएको बताएका छन् ।

#भिडियो हेर्नुहोस