सल्यान- विभिन्न अभियोगमा फरार ६ प्रतिवादीलाई सल्यान प्रहरीले पक्राउ गरेको छ । जिल्ला अदालत सल्यानबाट फैसला भई फरार रहेका छ जनालाई पक्राउ गरिएको प्रहरीले जनाएको छ ।

पक्राउ पर्नेमा कुटपिट मुद्दाका निम कुमारी घर्ती, सुनिता पुन, सम्झना पाण्डे, र धनि घर्ती रहेका छन् ।
यस्तै लुटपिट मुद्दाका चन्द्र बहादुर वली र नाताकायम मुद्दाका गणेश वलीलाई पक्राउ गरिएकोे जिल्ला प्रहरी कार्यालय सल्यानले जनाएको छ ।
घरमै लुकीछिपि बसी रहेको अवस्थामा उनीहरुलाई पक्राउ गरिएको जिल्ला प्रहरी कार्यालय सल्यानका  प्रमुख ढकेन्द्र खतिवडाले बताए । फेला परी पक्राउ परेका छ जनालाई आवश्यक कारवाहीका लागि जिल्ला अदालत पठाइएको उनकाे भनाई छ ।