सल्यान- सल्यानमा ट्याक्टर दुर्घटना हुँदा एक जनाको मृत्यु भएकाे छ। दार्मा गाउँपालिका ४ सरसुखोलामा आज बिहान करिब ५ बजेतिर रा १ त ४३८७ नवरको ट्याक्टर दुर्घटना हुदा एक जनाको ज्यान गएकाे हाे । ज्यान जानेमा कुमाख गाउँपालिका ५ झारकाडा निवासी गाडी साहु तिलक थापा रहेका छन् । उनकाे घटना स्थलमै ज्यान गएको प्रहरीकाे भनाइ छ । गाडि चालक भने गम्भीर घाइते भएकाे जिल्ला प्रहरी कार्यालय सल्यानले जनाएकाे छ। मृतकको लास ट्रायटरले च्यापिएकै अवस्था रहेको छ भने घटना स्थलमा रागेचौर र फारुलाबाट प्रहरी पुगीसकेको जिल्ला प्रहरी कार्यालय सल्यानका प्रहरी नायब उपरीक्षक ढकेन्द्र खतिवडाले जानकारी  दिए।