४० वर्ष भारतको कोल्कोतामा जेल जीवन भोगेर हालै घर आईपुग्नु भएका दुर्गाप्रसाद तिम्सिना दिपकले विहीबार अर्थात आज जिल्ला प्रशासन कार्यालय इलामबाट नागरिकता लिने हुनु भएको छ ।
२०१७ साल साउन २० गते जन्मनु भएका तिम्सिनाको जन्म दर्ता र नागरिकता अहिले सम्म बनेको थिएन।
उहाँको उपचार को लागि र अन्य कामकाजको लागि पनि नागरिकता आवश्यक पर्ने भएपछि जिल्ला प्रशासन कार्यालय इलामको समन्वयमा नागरिकता बनाउन लागिएको हो ।
जन्मदर्ता समेत नभएका तिम्सिनाको वडा कार्यलयमा बिवरण राखी तीन जनाको नाता प्रमाणि र नागरिकताका लागि सिफारिस पत्र तयार पारिएको दर्गाप्रसादका भतिज गोपाल तिम्सिनाले जानकारी दिनुभयो ।

भाई प्रकाश चन्द्र शर्मा , भतिज गोपाल तिम्सिना र दुर्गा तिम्सिनाको नाता प्रमाणित गरिएको वडा कार्यालयले जनाएको छ ।

भारतमा जेल बस्दा उहाँ दिपक जैसी नामले चिनीनि हुन्थ्यो तर उहाँको नागरिकता भने दुर्गाप्रसाद तिम्सिनाकै नामबाट बनाउन लागिएको छ

दुर्गाप्रसादको उपचारमा लाग्ने खर्च सबै प्रदेश १ सरकारले ब्यर्होने भएपछि नागरिकता समेत आवश्यक पर्ने भएकाले नेपाली नागरिकताको प्रमाण पत्र दिएर अन्य प्रक्रिया शुरु गर्न लागिएको इलामका प्रमुख जिल्ला अधिकारी ध्रुवबहादुर खड्काले जानकारी दिनुभयो ।

उहाँको ‘प्रदेश सरकारको निर्देशन अनुसार नागरिकता बनाए पछि उहाँकै इच्छाएको अस्पतालमा उपचार गरिने छ ।