सल्यान — भरुवा बन्दुकसहित प्रहरीले सल्यानमा दुई जनालाई पक्राउ गरेको छ । जिल्लाको कालीमाटी गाउँपालिका-२ बस्ने ४५ वर्षीय कुलबहादुर सारुमगर र २५ वर्षीय कमल घर्तीलाई सोमबार दिउँसो पक्राउ गरेको हो ।

इलाका प्रहरी कार्यालय कालिमाटीबाट खटिएको प्रहरी टोलीले सारुमगरले घर नजिकै खोल्सामा लुकाएको र घर्तीले खेतमा लुकाएर राखेको बन्दुक बरामद गरिएको सल्यान प्रहरीका डीएसपी गोविन्द थापाले बताए । उनीहरुबारे थप अनुसन्धान भइरहेको प्रहरीले जनाएको छ ।