चिनियाँ राष्ट्रपति शि जिनपिङको किताब १७ वटा देशमा प्रकाशन र अनुवाद गरिँदै

चिनियाँ राष्ट्रपति शि जिनपिङले शासन–विधि सम्बन्धी लेखेको किताबको तेस्रो खण्डको अनुवाद गर्न १७ वटा देशका प्रकाशक घरले बेइजिङमा अधारित विदेशी भाषाको प्रेससँग सहकार्य गर्ने भएका छन् ।

यसमा समावेश देशहरुमा अल्बेनिया, पोल्यान्ड, रोमेनिया, बेलारुस, युक्रेन, अफगानिस्तान, कम्बोडिया, नेपाल, लाओस, बंगलादेश, थाइल्यान्ड, भारत, पाकिस्तान, श्रीलंका, ताजिकिस्तान, किर्जिस्तान र मंगोलिया रहेका छन् ।

सो किताब गत वर्षको जुन महिनामा चिनियाँ र अङ्ग्रेजी भाषामा सार्वजानिक गरिएको थियो । यसमा कम्युनिस्ट पार्टी अफ चाइना सीपीसी केन्द्रिय कमिटीले जिनपिङको नेतृत्वमा कसरी पूरै पार्टी र देशलाई सञ्चालन गरि सुधारका कामहरु गरिरहेको छ भन्नेको रेकर्ड रहेको छ ।

‘शि जिनपिङ स् द गभरनेन्स अफ चाइना’ भन्ने किताबका तीन खण्ड रहेका छन् । यसलाई अहिलेसम्म १७० भन्दा धेरै देशमा वितरण गरिसकिएको छ ।

चिनियाँ प्रकाशकका अनुसार अहिले उनीहरु तेस्रो खण्डको फ्रेन्च, स्पेनिस, रुसी, अरेबिक, जर्मन, जापानी र पोर्चुगिज भर्जनमा पनि काम गरिरहेका छन् ।

Leave a Reply

Your email address will not be published. Required fields are marked *